Nakipagpulong si Pangulong Ferdinand “Bongbong” Marcos Jr. kay US Ambassador MaryKay Carlson sa Malacañang.
Sa mga inilabas na larawan ng Presidential Communications Office (PCO), makikitang kasama ng Pangulo sina Foreign Affairs Secretary Enrique Manalo at Executive Secretary Lucas Bersamin.
Maalalang nakipagugnayan si Carlson noong Enero kay Defense Secretary Gilberto Teodoro Jr. at mga opisyal ng Armed Forces of the Philippines (AFP) para talakayin ang mga plano sa kooperasyon sa depensa, na kinabibilangan ng mga bagong joint patrol sa West Philippine Sea.
Kahit hindi nagbigay ng detalye ang US Ambassador, sinabi ni AFP Chief General Romeo Brawner Jr. na importanteng isagawa ang joint patrols upang mas mabuting maipatupad ang rules-based international order.
