Binigyang diin ni pangulong Ferdinand Marcos Jr. sa kanyang State of Nation Address kahapon, na gusto niyang palawigin ang Kadiwa stores sa bansa.
Ayon sa pangulo, malaking tulong ang Kadiwa stores dahil napatunayan ng kanyang administration na napababa nila ang presyo ng ilang bilihin katulad ng bigas, karne, isda, gulay at asukal.
Dagdag pa niya, maganda ang naging resulta ng programa kaya plano niyang palaguin pa ito.
Layunin ng pamahalaan na pag-ugnayin ang mga magsasaka at mga mamimili nang walang ibang namamagitan, walang dagdag gastos, at patong.
