Nagsagawa ng aerial inspection si Pangulong Bongbong Marcos sa may bahagi ng floodway sa Rizal na isa sa mga lugar na pinaka apektado ng nagdaang super typhoon Carina at Habagat.
Pagkatapos ito ng isinagawang situation briefing ng Pangulo sa bayan ng Mauban sa Quezon Province.
Inalam rin ng Presidente ang lagay ng mga residente sa San Mateo, Rizal at isinabay na rin ang pamimigay ng mga family food packs.
Sa tala ng Public Information Office ng San Mateo, nasa mahigit 13 thousand individual o mahigit tatlong libong pamilya ang nanatili sa mga evacuation sa kanilang lugar.
Nabatid naman na umakyat na sa syam ang bilang ng mga nasawi sa CALABARZON dahil sa pananalasa ng Carina at Habagat.
