Positibo si Pangueong Ferdinand R. Marcos Jr. nga masarangan it tropa it gobyerno nga ubrahong “insurgency-free’’ ro Western Visayas.
Sa sangka situation briefing kaibahan ro mga opisyal it militar sa Camp General Macario Peralta Jr. sa Jamindan, Capiz, ginpahayag ni Marcos nga ro pagtapna sa insurhensya sa Rehiyon 6 hay “achievable,” kung ikonsidera ro pagpanaba sa numero it mga komunistang grupo halin ku 2019.
Nasayuran nga ginhambae ni Maj. Gen. Marion Sison, Philippine Army’s (PA) 3rd infantry Division (3ID) commander, sa Pangueo nga ro nabilin nga mga armed groups sa rehiyon hay ginasamantala ro minority groups, partikular ro indigenous people.
Sa pihak kara, nagpaabot gihapon ro Pangueo it kasadya sa mga nahimuan it Army sa pagpabilin it katawhayan ag pagpa-euya sa presensya it mga rebelde sa Western Visayas, pero gin-insister nga pagasiguruhon nga owa it plataporma ro mga rebelde para pondohan ro mga operasyon kara. // ANN DESLENE SALAZAR