Magtitikang na an pangarawat han mga entries para ha mapartisipar ha Sangyaw Parade of Lights yana nga Hunyo.
Abre ini para ha mga eskwelahan, barangay, pribado nga establisyimento, sugadman an iba nga mga LGU’s.
Ginpapanawagan naman han Tacloban City Tourism Operations Office ha mga grupo, organizers o choreographers nga interesado nga magpartisipar ha Sangyaw Parade of Lights nga mayda pagdudumaraon nga orientation.
Ini in pagdudumaraon yana nga Sabado, Marso 18, ala 1 han kulop ha mismo Tacloban City Tourism Operations Office kun diin panuyuan hini nga mapagkasarabutan an mga aludayday ha mao nga paisan-isan.
Subay ha buhatan nga bumisita la ha ira opisina hara ha kadugangan nga impormasyon ha sakob han Plaza Rizal o deri man ngani magpadara hin mensahe ha ira facebook event page nga Sangyaw Parade Of Lights.
