Naging laman sa isinagawang unity ride & protest ng mga delivery riders-Pampanga Chapter kahapon, ang patas na sweldo at tamang benepisyong ibinibigay sa kanila.
Ayon kay Mark Vallejo – Volunteer Organizer ng nasabing samahan, maliban sa pagpapalakas ng kanilang samahan nais rin nilang ituwid ang mga maling sistema sa pamamalakad ng delivery platform at bigyan sila ng pansin ng Gobyerno.
Sa kasalukuyan raw kasi, walang mga benfits maging insurance ang mga ito lalo pa’t medyo delikado ang kanilang trabaho.
Samantala, nasa mahigit 200 na ang miyembro ng mga delivery riders sa lalawigan ng Pampanga.
