Nag-sagawa ng dayalogo kahapon si Pampanga Governor Dennis “Delta” Pineda at Angeles City Mayor Carmelo “Pogi” Lazatin Jr., para pag usapan kung papaano makamit ang Herd Immunity sa lalawigan at sa nasabing lungsod.
Kasama rin sa naturang pag-uusap sina Pampanga First District Rep. Carmelo ‘Jon’ Lazatin II at Lubao Mayor Esmeralda ‘Esmie’ Pineda.
Isa sa kanilang napag usapan kung papaano maisaayos at mas mapabilis ang proseso ng pagbabakuna.
Kaya naman pinag-aaralan ngayon ng mga local officials na ibaba na sa mga barangay ang vaccination roll-out.
Mababatid na sinabi ng OCTA Research Group na posibleng makamit ang “No Mask Christmas” kung makamit ang Herd Immunity ng mga NCR Plus 8 kasama ang Pampanga.
