Tiwala ang Pampanga Provincial Health Office na magtutuloy-tuloy na ang pagbagsak ng kaso ng Covid-19 sa buong lalawigan ng Pampanga.
Ayon kay Pampanga Provincial Health Officer Dr. Zenon Ponce, nasa 20 pababa na lamang ang mga bagong kaso na naitatala sa probinsya kada-araw.
Sa katunayan aniya karamihan sa mga Covid-19 hospital sa lalawigan ay wala na ring mga Covid-patients.
Samantala, sa latest data na inilabas ng Provincial Information Office, mula sa 75, 337 confirmed cases sa lalawigan; 692 na lamang dito ang active cases.
