Gin paidaeom sa low risk ru bilog nga Western Visayas sa COVID-19 pandemic.
Base sa datos it DOH6 as of March 14, naga-abot sa 51 ru nailistang bag-ong kaso’t deadly virus.
33 sa bag-o nga kaso hay halin sa Iloilo province; 6 sa Bacolod City; tag-3 sa Capiz, Negros Occidental, ag Iloilo City; 2 sa Aklan; ag 1 sa Antique.
Samtang, uwa it may nailistang bag-ong kaso sa probinsya’t Guimaras.
Gin-report man it Department of Health (DOH) 6 ru 55 ka bag-ong recoveries ag 19 dugang nga napatay sa rehiyon.
Sa makaron,, naga-abot sa 182,566 ka kaso sa bilog nga Western Visayas, nga kunsiin, 2,939 ru aktibo, 174,200 ru mga naka-recover ag 5,344 ru mga nagkaeamatay dahil sa COVID-19.//MARIVIC Y. ILIN
