Haum nga maga pasaka it kaso ru pamilya it biktima nga pinatay it live-in partner sa Brgy. SanRoque, Malinao, Aklan.
Suno sa pahayag ni Mrs. Marlyn Rosal, lola it biktimang si Nicole Anne R. Santiago, 22 anyos, pursigido ru ama it biktima nga si Mr. Putinciano “Putin” Santiago, sangka OFW nga mag pasaka it kaso kontra sa suspek nga si Francis Inamac, live-in partner it biktima.
Mismo ru ama it biktima ru nag porsige nga kasuhan ru suspek rason nga gin hinyo ru mga otoridad nga ipa idaeom eagi sa autopsy ru pagkamatay it biktima.
Aminado ru Lola it biktima nga may dati eon nga record it pag panakit apang gin konsidera eamang it pamilya ku biktima.
Hugot ru pag pati it pamilya Rosal ag Santiago nga uwa mag suicide ru biktima rason nga nag disider ru pamilya nga ipa autopsy agud masayuran ru kamatuuran.
Naaresto ru suspek it mga kapulisan sa mismong puninarya ag kusa man nga nag sunod sa mga otoridad ru suspek.//MARIVIC Y. ILIN
