Sangka mabahoe nga kadungganan bukon eamang iya sa mga taga probinsya it Aklan kundi pati sa bilog nga Pilipinas ro nabuoe nga unang bueawan nga medalya it sangka Kalibonhon sa nagapadayun nga 31st Southeast Asian Games sa Hanoi, Vietnam.
Matandaan nga naangkon ro gold medal ni Mary Francine Padios, 18yo ag Grade 12 student nga residente it Brgy. Old Buswang Kalibo, Aklan matapos rayang magdaug sa Pencak Silat Women’s Seni (Artistic) Tunggal single event.
Sa interview it Brigada News FM Kalibo kay Mrs. Doneza Padios, ina ni Mary Francine, malipayun gid imaw sa kadaeag-an ku anang unga.
Ginhayag man kara nga si Francine hay friendly, humble ag down-to-earth nga klase it tawo ag naghinyo man raya nga indi eon i-post sa social media ro anang achievement.
2016 segun kat ma-engage si Francine sa hampang nga Pencak Silat.
Naging inspirasyon segun ni Francine ro anang daddy nga si Atty. Jerome Padios nga sa ICU gihapon matapos ma-coma bangud sa aksidente ku rayang Disyembre.
Ginpasaeamatan man ni Mrs. Doneza ro tanan nga mga tawong nagbulig kay Francine ag sa andang pamilya. / ANN DESLENE SALAZAR
