Bisan paano hay nabawasan segun ro kaeain it buot it pamilya Ambay matapos madakpan ag mapasakaan eon it kaso ro suspek nga si Mark Archie Torrefiel, security guard nga ginaturo nga nagpatay sa pawnshop manager nga si Bonna Hercia Ambay, 23yo nga taga Nauring Pandan, Antique.
Raya ro ginhambae sa media ni Mr. Bonifacio Ambay, ro ama it biktima.
Matapos nga ma-inquest ku Sabado si Torrefiel sa Aklan Prosecutors Office para sa kaso kara nga Robbery with Homicide hay matsa naka step 1 eon segun sanda sa pagdaeagan it kaso ku andang unga.
Ginhayag pa ni Mr. Bonifacio nga nabatyagan eon nanda nga maeapit eon lang matapos ro kaso ag mataw-an it hustisya si Bonna Hercia.
Mga daywang dominggo pa segun nga igahaya ro biktima base man sa hinyo it pamilya kara pero ro plano nanda hay sa June 25 ro eubong.
Ginsaluduhan ag ginpasaeamatan man ni Mr. Ambay ro mga kapulisan, media ag ro mga nagtao it reward para mapadali nga matumod ag madakpan ro suspek ag para mataw-an it madasig nga hustisya ro andang unga. / ANN DESLENE SALAZAR
