LEGAZPI CITY – Target na mailunsar ngunyan na semana kan Bangko Sentral ng Pilipinas an Paleng-QR PH Plus sa nagkapirang lugar sa terser distrito kan Albay.
Segun kay BSP Legazpi Area Manager Alvin Bermido, kasabay sa planong ini an mga banwaan kan Polangui, Libon asin Ligao City partkularmente sa mga pampublikong merkado sa kada lugar.
Magigirumdumang, pigheras ni Bermido na obheto kan programang maibusol an cashless payment kun sain magigin Digital na an pagbayad sa mga merkado pati na sa transportasyon asin nganing mapakusog na man an financial inclusion.
Sa ngunyan, enot na ining inilansar sa syudad kan Legazpi asin Naga sa probinsya kan Camarines Sur mantang isusunod na man sa parte kan Sorsogon asin Masbate.
