Pinabulaanan ng Palasyo ang mga kumakalat na balita sa social media na ‘di umano ay idineklara ng Malacañang na holiday ang August 9 bilang pagbibigay daan sa state funeral ni dating pangulong Fidel V. Ramos.
Sa isang pahayag, pinayuhan ni Press Secretary Trixie-Cruz Angeles ang publiko na ‘wag basta-basta maniniwala sa mga post sa social media kagaya na lamang sa Facebook.
Matatandaang mayroon kasing kumalat na post kung saan ay sinasabing idineklarang ‘special non-working’ ang araw ng Martes sa susunod na linggo.
Ayon kay Angeles, wala pang ipino-proklama ang Pangulo.
Dahil dito, muling nagpaalala ang Palasyo na maniwala lamang sa mga ilalabas na balita mula sa opisyal na mga social media accounts ng pamahalaan.
#
