Tiniyak ng Malacañang na nanatiling prayuridad ng administrasyon ni Pangulong Ferdinand Bongbong Marcos Jr. ang food security sa bansa.
Ginawa ng Presidential Communications Office ang pahayag kasabay ng pagdiriwang ng Filipino Food Month ngayong buwan.
Tampok naman sa pagdiriwang ng Filipino Food Month ay ang pagbibigay-pugay sa mga magsasaka at mangingisdang Pinoy.
Ayon sa PCO ang naturang sektor ang nagbibigay ng pagkain sa bawat hapag-kainan ng Pamilyang Pilipino.
Kasama din sa mga programa ng Pangulo ay ang pagpapaunlad ng agrikultura gayundin ang pagpapayaman ng lokal na produksiyon ng pagkain kasama ang iba’t ibang sektor ng lipunan.
