Binati ng Palasyo si Maria Ressa, matapos na maging kauna-unahang Pilipino na nanalo ng Nobel Peace Prize.
Ayon kay Presidential Spokesperson Harry Roque, ito ay tagumpay rin ng mga Filipino at masaya umano sila para dito.
Giit pa ni Roque, walang utak talangka na kasama dito.
Sa kabila nito, nanindigan ang kalihim na hindi inaatake ang press freedom sa Pilipinas, kaya hindi ito sampal para sa gobyerno.
Sa katunayan aniya, ang naturang claim ay pinatunayan ng Nobel Peace Prize. //MHEL PACIA-TRINIDAD
