Naka-abot eon sa pamilya sa Caloocan City, Metro Manila ru pahenante nga gin buligan it BRIGADA News FM Kalibo, alas 2:30 kainat aga-aga.
Suno kay Paul Brian Kenneth Cubang, 24 anyos, tubong Siay, Zamboanga,Sibugay, mabahoe ru anang pasaeamat sa Diyos dahil may mga instrument nga nagbulig kana hasta naka abot pabalik sa anang pamilya.
Ru ana sigun nga pamanaw hay suntok sa buwan dahil haeos pilang buean imaw nga naghalin-halin it lugar particular halin sa Manila-Cagayan De Oro karga ru construction materials; Cagayan de Oro-Iloilo karga run aga kasari-saring gulay; Iloilo-Mindoro karga ru upa it paeay; Mindoro-Sta. Barbara, Iloilo karga ru asin.
Hasta nga nag-angkon it low battery ru makina it trucking nga gina sakyan ag ikara temporary nga nagtenir imaw it haeos sang buean sa panimaeay it anang driver sa Capiz.
Nagdecision si Cubang nga magbantay it trucking sa Pawa, Panay, Capiz nga gina agyan it mga trucking paadto it Aklan.
Libreng naka abot sa Kalibo, Aklan sa trucking nga gina maneho ni Constantino Dela Cruz Aguilar nga taga-Malinao.
Gin panaog ru pahenante sa diversion sa Kalibo nga kunsiin,naga checkpoint si PCpl Ervin Jade Villa it Kalibo MPS ag ikara tumawag sa BRIGADA News FM Kalibo para mai asistihan.
Mabahoe ru anang pasaeamat sa BRIGADA News FM Kalibo pinaagi kay Station Mnaager Joemer Soraino sa pag giya pabalik sa pamilya.
Nagpaabot man imaw it pagpasaeamat sa A & M fruits and vegetables ag A & B Fernandez Store sa Kalibo Public Market sa libreng pagpasakay sa trucking halin sa Kalibo hasta sa Caticlan.
Libre man nga naka abot sa Mindoro paadto sa Batangas Port pinaagi sa roro vessel.
Swerte man si Cubang nga ru service nga trucking hay paadto man sa Divisoria rason nga mas o minus sang oras nga travel hay naka abot eon sa anang pamilya sa Caloocan City.//MARIVIC Y. ILIN
