Inumpisahan na ng City Government at ng ilang Telecommunication Companies ang pagtatanggal at paglilinis sa mga sala-salabat at nakalaylay na kable ng internet at telepono.
Ito ay makaraan ang unang patawag sa mga telco representative para solusyunan ang matagal nang reklamo ng mga residente.
Ayon kay City Council Committee On Public Utilities Ying Anonat, noong Lunes ay ipinatawag sa hearing ang mga ito at nangako sa komitiba na agad kikilos para alisin ang mga kable na di na napapakinabangan.
Kasabay nito, pinag-aaralan na rin sa Sangguiang Panlungsod ang pagpapasa ng ordinansa na magpapataw ng multa sa mga telcos na hindi susunod sa mga napagkasunduan.//Christian Andres-BNFM OLONGAPO
