Gilauman nga mapadali og sulbad ang kaso sa pagpusil patay sa usa ka Israeli national sa brgy. Nazareth ning syudad sa Cagayan de Oro.
Kini homan nagmugna og Special Investigation Task Group ang Cagayan de Oro City Police Office aron mututok sa imbestigasyon sa pagpatay kang Reuven Baranovitch, 68-anyos kinsa nagpuyo sa 11th-20th Brgy. Nazareth.
Sigun ni COCPO City Police Director Police Colonel Aaron Mandia nga duna nay person of interest nga ilang gisunod diin dako ilang pagtuo nga sa mga musunod nga adlaw, duna nay madakpan nga responsabli.
Nasayran nga lakip sa motibo nga gi-imbestigahan sa kapolisan ang negosyo sa biktima nga gapahulam og kwarta pinaagi sa lending
ingon man ang mga reklamo batok kaniya tungod sa negosyo ug bikil sa kapikas diin una na kining gisumbong nga nakalapas sa Anti-Violence Against Women and their Children Act.
Migawas sab sa imbesitgasyon nga posibling planado ang maong krimen tungod gihulatan ang biktima ayha kini giduolan ug gipusil patay. -END- (Claudine)
