Iginiit ni Bantay Bigas Spokesperson Cathy Estavillo na kahit na anong hakbang ang gawain ng pamahalaan – magpapatuloy pa rin ang krisis na kinahaharap ng bansa pagdating sa bigas.
Ayon kay Estavillo, magpatupad man ang gobyerno ng price ceiling, suggested retail prices, at food stamp – hindi nito matutugunan ang hindi-matigil na pagsirit ng presyo ng bigas.
Giit pa niya, pinagpapatuloy lang din kasi ng administrasyon ang mga patakaran at polisiya na kumakampi o pumapabor sa pribadong trading ng bigas.
Dahil diyan, nanindigan ang opisyal na dito na makikita ang umano’y ‘kainutilan’ ng gobyerno, kung saan ang pagtaas ng presyo ng bigas ay hindi nito magawang mapababa.
Sa huli, sinabi ni Estavillo na isa talagang hamon para sa Department of Agriculture na makontrol ang presyo ng naturang agri-product lalo pa’t pribadong ang namamalakad nito.
