LEGAZPI CITY – Pinagpaplanuhan na ng Albay Provincial Health Office ang simultaneous school based-immunization program sa mga paaralan sa lalawigan para sa darating na Setyembre ngayong taon.
Ang pagpapatuloy ng SBI program ay alinsunod sa Department of Health Memorandum Order No. 2024-0250 o Interim Guidelines on the Resumption of School-Based Immunization after the COVID-19 Pandemic.
Ang SBI ay itinakda dalawang buwan pagkatapos ng pagbubukas ng mga klase gaya ng kinumpirma ng Provincial National Immunization Program. Ito ay kasunod ng kamakailan lamang pagpupulong sa konsultasyon kasama si World Health Organization Consultant Dr. Tadesse Birru, mga kinatawan mula sa DOH Bicol at Department of Education Albay Schools Division.
Ibinahagi din na nakatakdang tumanggap ang Provincial NIP ng mga bakuna para sa tigdas, rubella, tetanus at diphtheria para sa kanilang regular na pagbabakuna ngayong linggo.
