Nakatakdang i-recall ng Philippine National Police (PNP) ang mga pulis na nagsisilbing Protective Security Detail sa mga pulitiko.
Ayon kay PNP Public Information Office Chief Col. Jean Fajardo, maging ang mga pulis na matutukoy na may kaanak na tatakbo sa midterm elections sa kanilang “place of assignment ” ay ililipat muna ng ibang lugar.
Gagawin ng PNP ang mga ito matapos ang Filing ng Certificate of Candidacy sa October 8.
Ia-activate rin ang Joint Peace and Security Coordinating Center, kung saan ang joint composite team ng PNP at AFP ang magdedetermina sa isang partikular na kandidato kung “entitled” ito na mabigyan ng protective security.
