Padayon pa ang gihimong imbestigasyon sa mga sakop sa Lagao Police Station kalabot sa pinakaulahing insidente sa pagpamusil sa ilang area of responsibility.
Sa update gikan sa maon presinto, nga human gipailawom sa surgery si Antonio Yap human makaangkon kini og samad pinusilan sa iyang sampot dili pa kini makahatag og dugang impormasyon tungod nakurat pa kini sa nahitabo kaniya.
Kahinumdumang sa unang insiyal nga impormasyon nga wala na masayran pa sa biktima ang mipusil kaniya tungod sa dihang nakauli na kini sa ilang pinuyanan gikan pamasada isip sikad driver nagreklamo na kini sa sakit nga ginabati ngadto sa iyang likod partikular na sampot ug didto nasayrang napusilan na diay kini. Padayon usab ang pagpangalap og impormasyon sa maong presinto aron makaangkon og kasulbaran ang krimen. I MJ Fernandez