Gikatakdang, pasakaan og kaso karong adlawa, Abril 29 ang tulo ka mga suspek sa pagpusil patay sa usa ka 14 anyos nga dalagita, kinsa nagmodule sulod sa panimalay niini sa V. H Garces, Barangay Consojong, dakbayan sa Talisay niadtong Biyernes, Abril 26, 2024.
Matud ni Police Lieutenant Colonel Epream Paguyod, hepe sa Talisay City Police Station, kasong obstruction of justice, reckless imprudence resulting to homicide ug illegal possession of firearms ang atubangon sa tulo ka suspek- duha ka lalaki ug usa ka babaye.
Samtang, nitug-an si Paguyod nga aksidente ang nahitabo sa pagkapusil sa dalagita.
Wala na nihatag pa og laing detalyi ang hepe sa kapulisan, labi na kun unsa ang relasyon sa maong dalagita ngadto sa tulo ka mga suspek.///