Isinusulong ni Muntinlupa Councilor Ryan Bagatsing ang pagpaparehistro ng mga e-trikes sa ilalim ng city government upang matukoy ang may-ari, gumagamit, at driver nito.
Ito ay kasabay ng pagkabahala ni Batgatsing sa mga road accidents na kinasasangkutan ng naturang vehicle.
Giit pa niya, kailangan na talagang magkaroon ng regulations hinggil sa paggamit ng e-trikes.
Sa kasalukuyan, pinagbabawal sa mga tricycle sa Muntinlupa na makagamit ng national roads, matapos magreklamo ang ilan na nagiging hazard na ang mga ito sa malalaking kalsada sa bansa.
Samantala, nilinaw ni Bagatsing, anumang regulasyon na ipatutupad ay pag-uusapan sa public hearing na isasagawa ng City Council.
Mababatid na hindi pa nire-require ng Land Transportation Office ang pagpaparehistro ng mga e-trikes.
