LEGAZPI CITY – Isinairarom sa Red Category an bilog na banwaan nin Tiwi, Albay nin huli sa nairehistrong kaso nin African Swine Fever (ASF).
Segun kay Albay Provincial Veterinary Office Provincial Veterinarian Dr. Pancho Mella, mahigot na ipinagbabawal an pagpapaluwas nin buhay asin produkto nin orig sa munisipyo tanganing malikayan an pagkaulakit sa kataraid na banwaan asin syudad.
Pigtutugutan sana kan opisina na maglaog ki buhay na orig asin produkto sa banwaan na binakalan sa luwas kan munisipyo.
