MAGSUGOD na ang deployment sa Vote Counting Machines kon VCM nga gamiton sa May 9, 2022 national ang local elections.
Sa kumpermasyon sa tigpamaba sa Comelec Region 12 nga si Atty. Jose Villanueva sumala niini nga Mayo 2 magsugod na ang pagpakatag sa mga Vote Counting Machines sa managlahi nga mga tulunghaan nga magsilbing voting centers.
Ang S2 Logistics nga nakakontrata sa Comelec mao ang incharge sa paghatud sa kapin duha ka libo nga VCM sa mga tulunghaan sa region 12.
Gipaniguro usab sa Comelec nga sigurado nga adunay bantay nga kapulisan sa paghatud unya may bantay na usab sa mga tulunghaan kung asa ipangbutang ang mga makina.
Ang sunod nga mahitabo mao ang testing sa mga machines nga saksihan sa mga watchers sa mga partido unya sa mga magtutudlo nga magsilbi sa May 9, 2022 elections.
Sa Gensan gitakda na sa Comelec basi sa notice nga sa umaabot nga Mayo 4o alas otso sa buntag ang ipahigayon nga Final Testing and Sealing, ginapahibalo ang mga miyembro sa Electoral Board, DESO and Technical Support Staff, Board of Canvassers, City Candidates, Poll Watchers, Parties, Representatives, PPCRV Representatives, PNP ug Deputized Agencies.
Ang pahibalo gipagawas sa City Comelec Officer nga si Atty. Sharmaine Papandayan Garangan pinitsahan Abril 20,2022. I Ver Diazon
