TANGGONG sa selda sa kapulisan ang duha ka lalaki human kining nadakpan sa otoridad atol sa gipahigayon nga drug buy bust operation.
Basi sa report sa Bula Police station una nilang napalitan og iligal nga droga gamit ang P500 pesos nga buy bust money ang usa ka construction worker nga naila sa pangalang Dennis Baybay alias Den, 26-anyos, minyo, taga Purok Guadalupe, Brgy Conel.
Sumala pa nga si Baybay nadakpan sa Asai Village, Brgy Bula ug kapin sa P6,800 pesos ang nakonpiska nga iligal droga gikan sa suspek.
Samtang dungan sa maong operasyon arestado usab si Alma Whippmer, 45-anyos, minyo, ug trabahante sa usa ka tracking services dinhi sa syudad. mokabat sa P1,570 ang kantidad sa iligal droga nga napalit sa poseur buyer gikan sa naasoy nga suspek.
Gipahimangnoan usab sa kapulisan ang duha ka akusado sa balaod nga ilang gisupak, ug sila nag atubang na sa kasong Section 5 ug 11 sa RA 9165 may kalabutan sa gidili nga droga. I Enamie Mogpon
