KALIBO, AKLAN—Pagaabuton eon it limang adlaw do maximum turnaround time para sa pagpaguwa it RT-PCT test results maghalin sa molecular laboratory it probinsya it Aklan.
Base sa ginpaguwa nga advisory it molecular laboratory, do nasambit nga pagbag-o hay bangud sa pag-abo it sample nga ginapadaea kanda sa kada adlaw kung siin nagaabot raya sa 600 samples per day lampas sa 200-250 nga maximum daily testing capacity.
Kaangot kara, agud nga masabat do padayon nga pag-abo it kaso it COVID-19 sa Aklan, do laboratoryo hay gindugangan eon do andang maximum daily testing capacity sa 300-350 kada adlaw.
Samtang, gin-abisuhan man it disease reporting unit nga pwedeng maka follow up pagkatapos it limang araw kung owa gihapon maipaguwa do official results. // SHERRY ANNE REUNIR-VIDAL
