Naga-abot sa 114 ru bag-ong naka recover sa COVID-19 sa probinsya it Aklan kahapon, July 25.
Base sa datos it PESU-Aklan, may kabilugan nga 5,663 total recoveries sa deadly virus.
Sa gin himo nga sample testing ku July 24, naga-abot sa 141 ru positive results; 195 ru negative results ag sa makaron, naga-abot eon sa 42% positivity rate ru probinsya.
Naga panguna ru Kalibo sa may pinaka abong kaso nga naga-abot sa 21; naga pangaywa ru Ibajay-20; pangatlo ru Nabas ag Tangalan nga may tag-16; sinundan it Numancia-12; Malay ag Banga nga tag-11; Makato-9; Balete ag Libacao nga may tag-8; Malinao-5; Altavas nga may 1; New Washington ag Buruanga nga may tag-1.
Sa makaron, naga-abot eon sa 7,185 total confirmed cases; samtang may kapin sa 1,369 ru active cases.
Naga-abot sa 1, 050 ru gin butang sa facility quarantine, 214 ru gin paidaeom sa home quarantine ag 105 ru admitted sa hospital.
6 eon ru bagong namatay ag may kabilugan eon nga 153.//MARIVIC Y. ILIN
