Naka angkon it tama’t pag buno sa tiyan ru sangka 58 anyos nga eaeaki matapos magsubeang sa karsadahon sa Brgy. Tabaao, Banga, Aklan.
Sa initial nga imbistigasyon, nakilaea ru biktima nga si Jovanie Barera samtang, gina turong suspek hay si Joey Rito, sangka 21anyos, tanan mga residente iot nasambit nga lugar.
Gina patihan nga dating bagina sa tunga it biktima ag suspek ru gin dahilan it insidente.
Padayon pa nga gina bueong sa hospital ru biktima samtang kulong sa Banga Municipal Police Station ru suspek.//MARIVIC Y. ILIN
