Ginlimitahan na ang pagpaandar sang fountain sa People’s park sa Brgy. Baybay, Roxas City.
Base sa facebook post ni Mayor Ronnie Dadivas, ginapahibalo sa publiko nga bukas kada adlaw kag nagaandar ang fountain umpisa alas – 11 sang aga tubtob alas – 10 sang gab-i.
Nagbutang man sang schedule para sa FULL SHOW sang fountain:
6:00 PM- 6:15PM
7:00 PM-7:15PM
8:00-8:15 PM
Apang magadepende ini sa dalagan sang panahon bangud mahimo nga ipaiway ang FULL SHOW sa tion nga malain ang tiempo kag mabaskog ang hangin.
Nagapangabay man ang City Government sa publiko sang suporta kag kooperasyon sa pagmentinar sang katinlo sa lugar kag pagdumili sa anuman nga sahi sang pag-abusar ukon bandalismo sa nasambit nga park. | Judy Ann Juare
