Gin-blessingan na ang bag-o nga building ukon istasyon sang BFP – Jamindan Fire Station, motorsiklo, mga furnitures kag fixtures sa pagpanguna ni Rev. Fr Niel Olano sang damlag lang.
Nahibaluan nga temporaryo nga nag-opisina ang mga BFP-Personnel sa ground floor sang Evacuation Center samtang ginakay-o ang ila building kun sa diin ini ang priority program sang BFP nga ginsuportahan man ni Governor Fredenil Castro, Congresswoman Jane Castro kag Mayor Mac Valdemar.
Ang bag-o nga Fire Station ang may yara sang male kag female quarters, storage room, opisina, kitchen kag iban pa agud mangin komportable ang 11 ka mga BFP personnel sa pagpamuno ni SF04 Reynante Labto.
Matandaan sadtong tuig 2017, nangin prioridad sang munisipyo ang pagpatitulo sang mga duta nga ginahamtangan sang BFP, PNP, Brgy Poblacion, DILG, Municipal Buildings kag Plaza.
Ini nga mga titulo amo ang nakabulig para mapunduhan ang mga bag-o nga mga building. | Judy Ann Juare
