LEGAZPI CITY – Nakaalerto ngunyan an Philippine Coast Guard (PCG) Albay asin Philippine Auxiliary sa mga pasaherong malaog sa pantalan kan probinsya katakod kan holiday season.
Segun kay Commodore Jeffrey Collado, acting station commander kan PCG, naka-deploy na an mga K9 dogs sa mga pantalan kan Legazpi City, Tabaco City asin Pio Duran para sa pag-inspeksyon sa mga bagahe nganing warang makalusot na mga ipinagbabawal sa mga barko.
Kun magigirumduman kan nagtalikod sanang bulan, may mga pasahero suboot an nagpalusot ki mga pinagbabawal kaibahan an iligal na droga alagad napugulan ini sa tabang kan K9 dogs kaya kumpyansa sindang dakulang tabang an mga hayop na ini.
Doble man an paghigot kan inspection team sa mga pantalan sa probinsya tanganing masiyerto na warang makakalusot.
Segun pa kay Collado, ngunyan pa sana, naghahagad na sinda ki pasensya sa pasahero en kaso magkaigwa nin delay sa byahe durante kan mga posibleng dai mautob kan mga regulasyon kan PCG.
