Magluwas sa selebrasyon kang Philippine Environment Month kadya nga Hunyo, gintugruan importansya kang gobyerno lokal kang Sibalom ang pag-obserbar kang Dengue Awareness Month.
Gintugroan kang igtalupangud ang pagtapna sa sakit nga dara kang lamok nga nagakawsa kang pagtaas sa kaso kang dengue sa Sibalom.Ang pagduro kang lamok ang may kaangtanan sa sitwasyon kang palibot. Padayon nga ginakampanya kang LGU ang pag-implemetar kang 4 o’clock habit ukon ang pagpanglimpyo kang palibot sa kada alas-4 sa hapon.
Nanawagan man si Sibalom Municipal Mayor Gian Carlo Occeña sa mga Punong Barangay nga pangunahan ang pagmintinar kang kalimpyuhon kang palibot agud matapna ang ginabalayan kang mga lamok ilabi ron sa kadya nga tag-ururan.
