Nangako ang America na tuloy ang paglilikas nila ng mga Afghan sa Kabul airport hanggang sa huling sandali sa kabila ng mga concerns sa pag-atake ng Islamic State group.
Ayon sa Pentagon, totoong malaki pa rin ang banta sa nasabing paliparan pero marami pa ring Afghans ang desperadong makaalis.
Napag-alaman din na marami nang NATO countries ang tumigil na sa kanilang emergency flights. Matatandaan na nagtakda ng deadline na August 31 ang America para lisanin ng kanilang mga sundalo ang Afghanistan.
Sa pinakahuling report, mistulang naghahanda na ang American at British troops sa pag-alis sa Kabul airport sa harap ng pag-take over ng Taliban forces anumang oras.
Una nang inihayag ng tagapagsalita ng Taliban na kontrolado na nila ang ilang bahagi ng paliparan bagamat kinontra ito ng Pentagon.
