LEGAZPI CITY – Ipinaliwanag kan Albay Electric Cooperative, Inc. (ALECO) an paglangkaw sa singil sa presyo nin kuryente ngunyan na bulan nin Hunyo.
Segun kay Anj Galero, tagapagtaram kan nasambit na kooperatiba, ini huli ta nagkakaigwa nin padagos na paglangkaw kan generation rates na pigpapautob kan Wholesale Electricity Spot Market (WESM) kun sain pigkukua an 100% kan power requirement kan ALECO.
Naglangkaw nin 2.1607 an singil kan kuryente para sa mga residential asin low voltage na konsumidores, mientras na naglangkaw man nin 1.9848 an para sa high voltage.
Sinabi ni Galero, nagkaigwa nin pagkumpara kan presenteng power rates sa ibang kooperatiba kun saen bako parehas an power suppliers kan mga ini.
