Wi-nelcome ni Senate Committee on National Defense, Senator Jinggoy Estrada ang paglagda ni Pangulong Bongbong Marcos sa RA No. 11958 o “An Act Standardizing and Upgrading the Benefits for Military Veterans and their dependents”.
Ayon kay Estrada, isa itong “significant milestone” sa pagkilala sa naging kabayanihan at dedikasyong ipinakita ng mga military veterans.
Dagdag pa niya, hindi lang ito basta halaga ng pera na nadadagdag sa disability pension, dahil malaki ang naitutulong nito sa pagbibigay ng maginhawang buhay sa military veteran at pamilya nito.
Kung maalala, sa ilalim ng bagong batas, ang dating pinakamataas na disability benefit na P1,700 ay magiging P10,000 na.
