DILI pa matumbok sa kapulisan kung may koneksyon sa gikaingong pagkawala sa duha ka managsuon ug laing usa pa niadtong unang semana sa Desyembre ang ilang gilambigitang kaso.
Kini ang gibutyag ni Police Col.Gilberto Tuzon, city director sa General Santos City Police Office nga gimugna na ang special investigation task group aron mututok sa maong mga kaso.
Nasayran nga ang managsuong Glen ug Chiquito Velasquez ug Dennis Huanya ang magkasunod nga gidagit niadtong Desyembre 5 ug 6 sa sa Barangay Labangal sa AOR Makar Police Station.
Matud ni Tuzon, nakig-alayun na sila sa pamilya sa mga nahisgutan ug nasuta nga may krimen nga gilambigitan sama sa robbery ug gidiling druga, apan ang maong mga kaso sa mga gikaingong missing ang apil sa mga anggulo nga giimbestigahan sa kapulisan.
Wala usay CCTV footage nga makuha ang kapulisan hinungdan nag-agad na lamang sila sa mga testigo ug sa testimonya sa pamilya.
Samtang sa kaso sa uban pang mga nahaunang na-missing, giangkon ni Tuzon nga may mga lead na sila ug gihulat na lang ang pamilya aron pormal nga makaduso og kaso sa korte.
