LISOD molambo ang GenSan tungod sa dili masulbad nga pagkatag sa peke nga land titles.
Kini ang gibutyag ni Boy Olarte, kanhi city councilor sa GenSan, leader sa urban poor community nga pipila ka dekada na nga wala masulbad ang proliferation sa fake land titles asa numero uno matud pa ang Gensan.
Lakip usab sa nakaapekto sa kalambuan ang fraudulent claims sa ubang Indigenous People gawas kadtong mga legitimate.
Dugang niini, may mga peke usab nga titulo nga gina-isyu bisan dili deklarado sa Congress o Presidential Proclamation nga alienable and disposable ang yuta tungod hinimuan sa pipila ka corrupt officials.
Sa pagtuo ni Olarte, masulbad ang maong problema sa pagpameke sa titulo sa yuta sa tabang sa nasyunal ug tukmang ahensya tungod dili masulbad sa mubo nga panahon.
Samtang dugang pagbutyag ni Olarte nga dili usab molambo ang syudad kung dili molambo ang kahimtang sa mga kabus.
Kinahanglang maandam og maayo ang yuta ingon man ang mga investors nga makatabang sa pagmugna og trabaho.
