LEGAZPI CITY – Pigbubusol ngunyan kan Municipal Disaster Risk Reduction and Management Office (MDRRMO) Pio Duran, Albay an pagkakaigwa nin sadiring substation nin huli sa maluyang supply nin kuryente.
Segun kay MDRRMO Head Noel Ordoña, saro ini sa mga nahihiling na opsyon kan saindang opisina nganing maresolberaran an haloy nang pigsasapar na problema kan mga residente.
Apwera kaini, saro pa sa mga pwedesir na gibuhon an pag-transfer kan connection ninda hale sa Albay Electric Cooperative, pasisiring sa Sorsogon Electric Cooperative.
Magigirumduman na an sitwasyon na ini an kawsa kan kawaran o kakulangan sa supply nin tubig sa banwaan orog na ta an operasyon kan water system, nakabase sa supply nin kuryente.
