Dakong hagit sa Department of Health Northern Mindanao ang pagkab-ot sa tuberculosis free o ang pagka-gawasnon sa katawhang Pilipino sa sakit sa baga.
Gibutyag ni DOH-10 Tuberculosis Program Manager Nurse 5 Emanuelita Barrera nga dinhe sa rehiyon, dunay nakita nga 199 ka kaso sa Tb sa tuig 2021 nga mas taas tandi sa 179 nga kaso sa tuig 2020.
Lakip sa nakapahagit niini ang kalisod sa pagtumbok sa usa ka tawo nga adunay sakit sa baga gumikan sa kataas nga proseso.
Kahibaloan nga pagpanambal sa Tb mudagan pa og 6 ka bulan ug pinakataas niini ang duha ka tuig.
Subay niini, gidasig ni Barrera ang katawhan nga posibling dunay gihambin nga sakit nga tb nga magpa-konsulta aron mahatagan sa pagtagad sa pagpanambal.
Gihimo kini nga panawagan dungan sa pagdumdum karong adlawa Marso 24, sa World Tuberculosis Day.
