GINAREKLAMO karon ang Comfort Room (CR) sa arrival area sa Gensan Airport human nga hinay matud pa ang tubig niini ug nagakabo-kabo nalang ang mugamit sa maong pansayan.
Partikular nga ginareklamo ang iya sa pansayan nga ginagamit sa mga kababayen-an.
Segon sa usa sa nagpaabot sa iyang mulo nga nangayo na og pasaylo ang gisundan sa usa sa migamit sa maong pansayan tungod sa dili ma-flush ang bowl niini.
Ang maong mulo ang gikumpirma usab sa usa sa tinubdan nga hinay gyud ang tubig sa maong CR ug dili mosalir og daghan na ang mogamit tungod sa kadugay nga mudaghan sa iyang pundohanan.
Samtang gisulayan sa Brigada News Team ang pagkuha og reaksyon sa tagdumalahan sa Civil Aviation Authority of the Philippines (CAAP) Gensan kalabot sa maong mulo apan gipasa-pasa sa ilang mga opisyal ang pagluwat og pamahayag.
Unang giduolan sa team si OIC Edgardo Cueto apan gipamahayag niini nga dili kini magpa-interview tugod sa dili kabahin sa iyang trabaho ang ginareklamo nga pansayan.
Gisulayan usab nga kuhaan og pamahayag ang terminal supervisor nga si Dante Fernandez apan nagpadala usab kini og mensahe pinaagi sa text message nga si Cueto nalang ang kuhaan og pamahayag. I Danny Casi
