Kinondena ni Health Secretary Ted Herbosa ang paggamit umano ng medical assistance program ng Department of Health (DOH) para sa signature campaign sa Charter change.
Aniya, hindi ito ang intensyon pinasa ang General Appropriations Act dahil inilaan ang pondo para sa medical assistance, hindi para sa Cha-Cha.
Kabilang dito ang programang Medical Assistance to Indigent and Financially Incapacitated Patient (MAIFIP) ng DOH, ang programa ng Department of Social Welfare and Development (DSWD) na Assistance to Individuals in Crisis Situations (AICS), at ang Tulong Panghanapbuhay sa Ating Disadvantaged/Displaced workers (TUPAD) program ng Department of Labor and Employment (DOLE).
Samantala, sinabi naman ni Health Undersecretary Eric Tayag na hindi alam ng DOH kung sino ang gumagamit ng medical aid program para sa signature campaign.
Hinikayat ni Tayag ang publiko na iulat ang mga ganitong sitwasyon at agad na ipaalam sa mga awtoridad.
