LEGAZPI CITY – Pinagpapaliwanag ngayon ang Legazpi City Engineering’s Office matapos mamataan nang ilang residente na ginagamit umano ang government vehicle sa pagpaskil ng campaign poster.
Ayon kay Legazpi City Mayor Noel Rosal, matapos ulanin ng pambabatikos sa Social Media dahil sa nagkalat na larawan ng aktwal na paglalagay ng campaign material gamit ang nasabing sasakyan, hinihingi nito ang paliwanag ni Engineer Clemente Ibo, head ng nasabing tanggapan.
Nanindigan si Rosal na kailanman ay hindi ito gumagamit ng government vehicle para maglagay ng campaign materials o maging sa pangangampanya.
Sa ngayon wala pang kasagutan si Engineer Ibo tungkol sa isyu.
