LEGAZPI CITY – Nagpapadagos ngunyan an mga aktibidad kan Pacific Partnership 2024 sa manlain-lain na lugar sa Albay na pinagpapartisiparan kan nagkapirang mga government agencies asin stakeholders.
Kasuhapon, matrayumpong naisagibo an tree planting activity sa Lidong, Sto. Domingo, kun sain presente sa aktibidad an Philippine, United States of America, Korea, Austria, asin Great Britain Navy.
Bilang imbitadong stakeholder, nagtao nin partisipasyon an Brigada News FM Legazpi kaiba an Philippine asin USA Coast Guard, Philippine National Police, Rotary Club of Legazpi Central asin dakol pang iba.
Apwera pa digdi, nakapagsagibo man nin humanitarian aid asin disaster response activity an Pacific Partnership sa Legazpi kan nakalihis sanang aldaw.
Matrayumpo man na naisagibo anlibreng veterinary service sa Barangay Dapdap an nasambit na grupo.
Nagpasalamat man an PP24-2 Mission Commander na si Capt. Daniel Keeler sa lokal na gobyerno kan Legazpi, Armed Forces of the Philippines, asin sa mga residente para sa mainit na pag-ako sainda.
