Gilaumang matubag na ang pagdagsang ug kabalaka sa kadaghanan nga gimanduang magpaswab test sa Sta. Ana Health Center swabing center human maexpose sa Covid-19 positive.
Kini human sa subling pagbalik sa operasyon sa naasy nga pasilidad sa miaging adlaw sukad kini gipailawum sa lockdown sa miaging mga semana human nagpositibo ang pipila ka swabbers.
Sumala kang City Health Office Acting Head Dr. Ashley Lopez, kumpleto na ang tulo ka swabbing centers sa syudad busa gilaumang dili na magdasok ang mga magpaswab sa Magsaysay ug Crocodile Park swabbing center.
Nanawagan usab kini ngadto katawhan nga moadto sa mga designated swabbing centers kung asa nalakip sa category aron malikayan ang pagdasok.
Gitino nga ang F1 ug dunay influenza like Symptoms mamahimong moadto sa Sta Ana Health Center nga maoy gidesignate kanila, alang sa mga F2 ug F3 contact sa Magsaysay samtang sa surveillance testing sa Crocodile Park swabbing center. BNFM-DAVAO
