LEGAZPI CITY – Labi an pagpapasalamat ngunyan kan Legazpi City Tourism Office sa gabos na mga nagtarabang asin nagsuruporta nganin magin posible an opisyal na pagbukas kasuudma kan Winter Paskuhan sa syudad partikularmente sa Sawangan Park.
Nagin matrayumpo kaya an nasambit na aktibidad na talagang inatendiran kan mga Legazpeño.
Sa panayam ng Brigada News FM Legazpi kay City Tourism Officer Christina Agapita Pacres, sinabi kani na maogmahon an nagin aktibidad huli man ta presente duman sinda Mayor Gie Rosal kaibahan an saiyang agom na si dating Gov. Noel Rosal asin iba pang mga opisyales kan lokal na gobyerno.
Segun kay Pacres, pigkakalkulong uminabot sa poko mas omenos bente mil katawo an nagpartisipar sa aktibidad kasubanggi.
Sa kadakulan su boot kan mga tawo, igwang haros dai na nakalaog asin nakaduman sa stage.
Sinabi ni Pacres, dai ninda piglaoman na aabuton nin arog kaitong volume an mapartisipar kasubanggi, alagad pinapasalamat ninda man ini huli ta dai man sayang an saindang mga preparasyon.
