Ipinag-utos ni Pangulong Bongbong Marcos na pag aralan ang pagbuo ng legal department sa Philippine National Police bilang bahagi ng mga pagsisikap ng administrasyon na protektahan ang kapakanan ng mga pulis laban sa mga panggigipit at walang basehang akusasyon.
Sa naganap na 2nd command conference sa Camp Crame, binigyang-diin ni Pangulong Marcos ang pangangailangan ng paglikha ng legal na departamento ng PNP na magsisilbing tagapagtanggol ng mga pulis na inakusahan ng iba’t ibang reklamo.
Ayon kay Interior Secretary Benjamin Abalos, nais ng Pangulo na may matakbuhan agad na abogado ang mga pulis nang hindi na gagastos ng sarili nilang pera.
Pero paglilinaw ni Abalos, para lang ito sa mga deserving na pulis, na nakasuhan sa kabila ng matinong pagganap sa kanilang tungkulin.
