ANAA sa dos mil ang average claims nga ginadawat sa PhilHealth region-12 sa mga ospital sa rehiyon.
Kini ang gibutyag ni Hannah Naanip, public relations officer sa PhilHealth-12 dungan sa pagpaklaro nga padayun ang ilang pagbayad sa mga claims.
Apan giklaro ni Naanip nga tanang claims kinahanglang mipasa sa standard sa pag-file og claims ug kung may iregularidad, ibalik kini sa ospital aron ilang i-refile o amendahan apan kung dili, ilaha kining hingpit nga i-deny.
First come, first serve usab ang pag-release sa payment ug kung nasunod ang ilang mga patakaran, sulod sa 60 days nga pagproseso, mahatag na ang bayad sa mga hospital. Butyag usab ni Naanip bisan kadtong mga may iregularidad ilaha kining imbestigahan ug dili otomatiko nga dili dawaton.
